蒲崗村道體育館 - 兒童遊戲室

上午我地玩完Exploration For Toddlers (第二課),下午我地唔好比佢停,
進軍黃大仙體育館入面嘅兒童遊戲室。

上完堂已經係12:30,我同積媽要先醫醫肚,去得深水埗,豬潤麵無走雞…
見梓澄有少少想食豬潤,比啲啲佢,免得食飽飽唔食正餐,又估唔到梓澄都食到津津樂道,
食完之後我地再2F 巴士去黃大仙。

座巴士最好就係梓澄可以瞓、瞓、瞓,話晒早上先完堂,點都要休息吓! 養精蓄銳去玩…
蒲崗村道個兒童遊戲室有成130平方米,而且好似裝修無耐,好新淨,
而且佢地每一節都有成個幾小時,每節之後就會有45分鐘清潔時間,
唔怕要等耐,最重要係無乜人,唔係好似其他咁,又要等位、又限人數,一
個唔好彩多人,真係會白行呀..!


我地差不多2點到,剛好2:15 開始清潔,我地就休息一下,同囡囡換片,
正好又係囡囡開餐時間,咁就慢慢餵佢食。

3點鐘可以入場,地方都幾大,玩樂設備好豐富吓!

囡囡入到去,好似充晒電咁,勁開心咁又爬依度、又爬個度。
又穿來穿去,在滑梯處滑來滑去。
<
今次阿囡好勁呀,捉住行上滑梯,又自己在滑梯試滑返落來。

Related Posts Plugin for WordPress, Blogger...
Sitetag 北人博客