順利邨體育館 – 兒童遊戲室

星期日又係落雨,同太公、太婆在九龍灣飲完茶之後,都唔知去邊好!
諗來諗去,不如去順利邨體育館入面個兒童遊戲室,一來行商場人多,同老人家行唔太方便;
二來順利又近太公、太婆屋企,方便啲。

順利邨室內兒童遊戲室係有限人數,包括家長。
其開放時間為
9:00 am – 11:20am
12:00 nn – 2:00 pm
3:00 pm – 5:20 pm
6:00 pm – 8:00 pm
開放時間都幾長,基本上點都入到去。地方都算大,據資料所示佢有167平方米,
比我所愛蒲崗村道體育館兒童遊戲室的130平方米還大,但感覺上好似蒲崗村道大啲。
所有地方都有軟墊,依個兒童遊戲室用「森林」為主題。大型啲有個冬菇亭之外,
基本上乜設備都無,比大個啲可以跑、跳的小童合適多啲……!

順利邨體育館 - 兒童遊戲室順利邨兒童遊戲室順利邨兒童遊戲室

梓澄可以自己行,依個地方都算好地方,而又安全去行。
每次去依啲兒童遊戲室,囡囡都好興奮,今次佢又搵到佢所愛,就係依個小蜜蜂滑梯,

爬上又滑落,玩依個上上落落都好耐,依個小蜜蜂滑梯都比佢「舞」左成15分鐘,可以話獨佔咁,囡囡玩得超開心。
頓時,囡囡好似放監一樣,上上落落、行來行去、佢有好多能量要爆出來咁。
依啲軟墊又安全,又唔會跌親,我地家長又睇得放心。
對比蒲崗村道兒童遊戲室依度無乜花巧野,地方大,冷氣足,有大窗望街景,平時玩佢十幾兩分鐘都無問題。
另外,順利邨體育館樓上有個圖書館,玩完都可以去睇吓書。
不過自己喜歡蒲崗村道多少少。

Related Posts Plugin for WordPress, Blogger...
Sitetag 北人博客